Interest rates: पंजाब नॅशनल बँक (PNB) ने ग्राहकांसाठी एक मोठी सुविधा जाहीर केली आहे. बँकेने गृहकर्ज, कार लोन, शिक्षण कर्ज आणि वैयक्तिक कर्ज यासह विविध उत्पादनांवरील व्याजदरात ०.२५ टक्क्यांची कपात केली आहे. हे सुधारित दर १० फेब्रुवारी २०२३ पासून लागू होतील. या कपातीमुळे ग्राहकांना कमी व्याजदरावर कर्ज मिळण्यास मदत होईल.
गृहकर्ज (Home Loan)
- गृहकर्जावरील व्याजदर आता ८.१५% पासून सुरू होतात.
- मासिक हप्ता (EMI) प्रति लाख रुपये ७४४ रुपये इतका कमी झाला आहे.
- ३१ मार्च २०२५ पर्यंत ग्राहकांना प्रोसेसिंग फी आणि डॉक्युमेंटेशन फी माफ करण्यात आली आहे.
कार लोन (Car Loan)
- नवीन आणि वापरलेल्या दोन्ही प्रकारच्या कारसाठी कर्जावरील व्याजदर ८.५०% पासून सुरू होतात.
- मासिक हप्ता (EMI) प्रति लाख रुपये १,२४० रुपये इतका कमी झाला आहे.
- ग्राहकांना १२० महिन्यांपर्यंत परतफेडीचा लाभ मिळेल.
- एक्स-शोरूम किमतीच्या १००% फायनान्सिंग ची सुविधा उपलब्ध आहे.
शिक्षण कर्ज (Education Loan)
- शिक्षण कर्जावरील व्याजदर ७.८५% पासून सुरू होतात.
- वैयक्तिक कर्ज (Personal Loan)
- वैयक्तिक कर्जावरील व्याजदर ११.२५% पासून सुरू होतात.
- ग्राहकांना २० लाख रुपयांपर्यंत विनाअडथळा डिजिटल प्रक्रियेद्वारे कर्ज मिळू शकते.
- यासाठी शाखेत जाण्याची किंवा कागदपत्रांची आवश्यकता नाही.
रिझर्व्ह बँकेचा निर्णय:
रिझर्व्ह बँक ऑफ इंडिया (RBI) ने रेपो दरात ०.२५ टक्क्यांची कपात करून तो ६.२५%वर आणला आहे. या निर्णयाचा अनुसरण करून PNB सारख्या सार्वजनिक बँकांनीही व्याजदरात कपात केली आहे.
RBI Repo Rate
रिझर्व्ह बँकेच्या धोरणात्मक व्याजदरातील कपातीच्या अनुषंगाने स्टेट बँक ऑफ इंडिया (SBI) सारख्या इतर बँकांनीही गृहकर्ज आणि किरकोळ कर्जावरील व्याजदरात ०.२५ टक्क्यांची कपात केली आहे.
सदरील बदलांमुळे ग्राहकांना कमी व्याजदरावर कर्ज मिळण्यास मदत होईल आणि त्यांचे आर्थिक भार कमी होईल.
